پادشای بەحرەین رایگەیاند، لەگەڵ سەرۆک کۆماری روسیا پرسی ئاسایش و ئاشتی لە رۆژهەڵاتی ناوەڕاست، چارەسەرکردنی پرسی سوریا لە رێگەی گفتوگۆ و رۆڵی چالاکی روسیا لە ناوچەکەدا تاوتوێکراوەو جەختیکردوەتەوە لەسەر پاراستنی یەکێتی خاکی سوریا.

دۆخی رۆژهەڵاتی ناوەڕاست و رۆڵی روسیا لەناوچەکەدا باسکراوە

ئاژانسی هەواڵی بەحرەین بڵاویکردەوە، لە پەیوەندییەکی تەلەفۆنیدا حەمەد بن عیسا، پادشای بەحرەین لەگەڵ ڤلادیمێر پوتین سەرۆک کۆماری روسیا جگە لە پرسی پەیوەندییەکانی نێوان مەنامە و مۆسکۆ، دۆخی رۆژهەڵاتی ناوەڕاست و رۆڵی روسیا لەناوچەکەدا گفتوگۆی لەبارەوە کراوە.

داوایکردوە روسیا رۆڵی کاریگەری خۆی لەچارەسەرکردنی کێشەی سوریا و ئاسایشی ناوچەکەدا بگێڕێت

ئەوەش هاتوە، لەو پەیوەندییەدا پادشای بەحرەین جەختی لە چارەسەرکردنی کێشەی سوریا کردوەتەوە بەجۆرێک یەکێتی خاکی ئەو وڵاتە پارێزراوبێت، هەروەها داوایکردوە روسیا رۆڵی کاریگەری خۆی لەچارەسەرکردنی کێشەی سوریا و ئاسایشی ناوچەکەدا بگێڕێت.






خەندان-