هەرچەندە ڕەجەب تەییب ئەردۆغان سەركۆماری توركیا گوتی، بە هیچ شێوەیەك توركیا ناچێتە ناو هەڵبژاردنی پێشوەختەوە و تا ٢٠٢٣ هەڵبژاردن ناكرێت، بەڵام لەلایەن سەركردەكانی ئۆپۆزسیۆنەوە بەردەوام باس لە هەڵبژاردنی پێشوەختە دەكرێت.

لەمبارەوە كەمال كلیچدارئۆغلۆ سەرۆكی جەهەپە پێی وایە ئەگەر ئەردۆغان بیەوێت توركیا دەچێتە ناو هەڵبژاردنی پێشوەختەوە.

كلیچدارئۆغڵو لە دیمانەیەكیدا بۆ رۆژنامەی (حوریەت)ی توركی، باس لە ئەگەری هەڵبژاردنی پێشوەختە لە توركیا دەکات.

کلیچدارئۆغلۆ ئاماژەی بەوەش کردووە: "پەرلەمان و تەواوی جومگەكانی توركیا لەژێر كۆنتڕۆڵی ئەردۆغاندایە، بۆیە ناكرێت ئێمە باس لە هەڵبژاردن بكەین، بەڵكوو ئەوەی بیەوێت توركیا بچێتە ناو هەڵبژاردنی پێشوەختەوە، تەنیا ئەردۆغانە".

باس لە كاریگەریی دەوڵەت باچخەلی سەرۆكی مەهەپەی هاوپەیمانی ئاكەپەش دەكات، بەوەی ئەگەر باخچەلی بە ئەردۆغان بڵێت ئیدی نابمە هاوپەیمانت و دەكشێمەوە، ئەوكات ئەردۆغان یەكسەر توركیا دەباتە ناو هەڵبژاردنی پێشوەختەوە.










باسنيوز