تورکیا بە فڕۆکەیەکی بارهەڵگری سەربازی هاوکارییە تەندروستییەکانی تایبەت بە پەتای کۆرۆنا، بۆ عێراق دەنێرێت.

حەیدەر مەجید، گوتەبێژی ئەمیندارێتیی گشتیی ئەنجوومەنی وەزیرانی عێراق لە بەیاننامەیەکدا، رایگەیاندووە، فڕۆکە تورکییەکە سەرلەبەیانیی ئەمڕۆ چوارشەممە 1-7-2020، لە بنکەی سەربازیی ئاسمانیی شەهید محەمەد عەلا لە بەغدا نیشتووەتەوە.

هاوکارییەکانی تورکیا بریتین لە ئامێری هەناسەدانی دەستکرد، کەلوپەلی پزیشکی و ئامێری پشکنین و خۆپارێزیی تایبەت بە پەتای کۆرۆنا.

حەیدەر مەجید هەروەها رایگەیاندووە، هاوکارییەکانی تورکیا بەپێی پێویستی بەسەر فەرمانگە تەندروستییەکانی پارێزگاکان، دابەش دەکرێت.









باسنيوز