یۆنان هەڕەشەی بەکارهێنانی سوپا لە دژی تورکیا دەکات
یۆنان هەڕەشەی بەکارهێنانی سوپا لە دژی تورکیا دەکات و فەرماندەیەکی باڵاش باسی رووبەڕووبوونەوەی چەکداری دەکات.
قوستەنتینۆس فلۆرۆس، سەرۆکی دەستەی ئەرکانی سوپای یۆنان رایگەیاندووە، ئەگەر تورکیا ”هێڵی سوور ببەزێنێت“، ئەوا سوپای یۆنان رووبەڕووی دەبێتەوە و شەڕێکی بەرفراوان لە دژی ئەو وڵاتە، دەست پێدەکات.
قوستەنتینۆس فلۆرۆس هەروەها رایگەیاندووە، هەر کەس و لایەنێک پێ بخاتە سەر خاکی یۆنان یان رووبەڕووی سوپای یۆنان ببێتەوە، ”باجێکی قورس دەدات“.
هەروەها نیکۆس باناگیۆتۆپۆلۆس، وەزیری بەرگریی یۆنان رایگەیاندووە، وڵاتەکەی سەروەرییەکانی خۆی دەپارێزێت و مافی بەرگریی سەربازی لە دژی تورکیا، بەکار دەهێنێت.
باسنیوز
