ئەمڕۆ پێنجشەممە شانشینی سعودیە بە توندی ڕەخنەی لە هێرشەكانی ئەم دواییەی توركیا بۆ سەر ناوچە سنوورییەكانی هەرێمی كوردستان گرت و بە هەمان شێوەی هێرشەكانی ئێران سەركۆنەی كرد.

سعودیە ئەمڕۆ هەمان زمانی سەركۆنەكردنی ئێرانی بەرانبەر توركیا لەسەر هێرشەكانیان بۆ سەر ناوچە سنوورییەكانی هەرێمی كوردستان بەكار هێنا، بەمەش چاوەڕوان دەكرێ پەیوەندییەكانی نێوان ریاز و ئەنكەرە بەرەو گرژی بچێت.

لەمبارەیەوە وەزارەتی دەرەوەی سعودیە هێرشەكانی توركیا و ئێرانی بەیەكەوە بۆ سەر "خاكی عێراق" بە دوژمنكارانە ناو بردووە.

سعودیە دووپاتی كردووەتەوە پشتیوانی لە عێراق دەكات لە هەر هەنگاو و ڕێوشوێنێك كە بیگرێتەبەر بۆ پاراستنی سەروەریی خاكەكە و ئاسایش و سەقامگیرییەكەی.

جێی باسە ئێران و توركیا چەند رۆژێكە هاوكات هێرشەكانیان بۆ سەر هێزەكانی پەكەكە لە ناوچە سنوورییەكانی هەرێمی كوردستان دەستپێكردووە.












باسنيوز