سەرەڕای ئەوەی بەهۆی پەتای كۆرۆناوە دەیان هەزار كەس لە توركیا بێكار ماونەتەوە، لە پاڵ ئەوەدا نرخی خواردن و میوە و سەوزەش بە رێژەیەكی بەرچاو بەرز بووەتەوە.

میدیاكانی توركیا رۆژانە راپۆرت و زانیاری لەسەر نرخی میوە و سەوزە بڵاو دەكەنەوە، نرخەكان رۆژانە بەرەو بەرزبوونەوە دەچن.

تەلەفزیۆنی (ستار)ی توركی نموونەی چەند میوەیەكی وەرگرتووە كە نرخەكەی بە رێژەیەكی بەرچاو بەرز بووەتەوە.

نرخی یەك لیمۆ لە توركیا بووەتە ٢ لیرە، یەك كیلۆش بووەتە ١٤ لیرە، تەماتە بۆ ١٠ لیرە بەرز بووەتەوە و نرخی یەك كیلۆ مۆزیش بووەتە ١٥ لیرە.

(ستار) ئاشكرای كردووە نرخی هەموو میوەیەك بۆ یەك كیلۆ ٥ لیرە زیادی كردووە، بۆیە هاووڵاتیان گلەیی زۆریان لە نرخەكان هەیە.

لە کاتی كۆرۆنا لە توركیا، ژیان زۆر قورس بووە، بەتایبەت بۆ ئەو كەسانەی باری ئابوورییان سنووردارە و داهاتیان كەمە، چونكە نرخی شتەكان دوو بەرامبەر زیادیان كردووە.













باسنيوز