شانشینی هاشمیی ئوردن دەروازە سنوورییەکانی تا دوای مانگی رەمەزان، دادەخات.

سەعد جابر، وەزیری تەندروستیی ئوردن لە لێدوانێکی تەلەڤزیۆنیدا رایگەیاندووە، پەتای کۆرۆنا ئێستا تەنیا لەناو چەند خێزانێکی وڵاتەکەیدا ماوە و وەزارەتەکەشی بەردەوامە لە چارەسەرکردنی ئەو تووشبووانە.

سەعد جابر داوای لە هاووڵاتییانی وڵاتەکەی کردووە پابەندی تەواوی رێنماییەکان بن، بۆ ئەوەی خۆیان و خێزانەکانیان لە پەتای کۆرۆنا بپارێزن.

وەزیری تەندروستیی ئوردن ئاماژەی بەوەش کردووە، کە تا دوای مانگی رەمەزان، هەموو دەروازە سنوورییە زەمینی، دەریایی و ئاسمانییەکانی وڵاتەکەی بە داخراوی دەمێننەوە.

بەپێی دوایین ئامار، تا ئێستا 323 کەس لە ئوردن تووشی پەتای کۆرۆنا بوون و لەو ژمارەیەشدا، 74 کەس چاک بوونەتەوە و پێنج کەسیش گیانیان لەدەست داوە.












باسنيوز