فەرماندەیەکی باڵای کۆماری ئیسلامیی ئێران، بەهۆی تووشبوونی بە ڤایرۆسی کۆرۆنا، گیانی لەدەست دا.

بەپێی هەواڵی میدیا ئێرانییەکان، جەنەراڵ حوسێن ئەسەدئیلاهی، یەکێک لە گەورە جەنەراڵە بڕیاربەدەستەکانی سوپای پاسداران، رۆژی شەممە 21-3-2020، گیانی لەدەست داوە.

جەنەراڵ حوسێن ئەسەدئیلاهی، کە بەهۆی تووشبوونی بە ڤایرۆسی کۆرۆناوە گیانی لەدەست داوە، یەکێک بوو لە گەورە یاریدەدەرەکانی قاسم سولەیمانیی فەرماندەی کوژراوی سوپای قودسی ئێرانی و بەشداریی لە شەڕەکانی ناو یەمەن و عێراق، کردووە.

بەپێی دوایین ئامارە فەرمییە بڵاوکراوەکان، تا ئێستا 20 هەزار و 610 کەس لە ئێران تووشی ڤایرۆسی کۆرۆنا بوون و لەو ژمارەیەشدا، هەزار و 556 کەس گیانیان لەدەست داوە، کە چەندین پەرلەمانتار و فەرماندەی سەربازیشیان لەنێو دایە.



باسنیوز