ئەمڕۆ پێنجشەممە هێزێكی سوپای توركیا گەیشتە سەر سنوورەكانی یۆنان، ئەمەش بە بیانووی پاراستنی ئەو پەنابەرانەی بەم دواییە لەلایەن حكوومەتی ئەنكەراوە رەوانەی یۆنان كراون و لەسەر سنوورەكانی ئەم وڵاتەدا تووشی كێشە بوونەتەوە.

ناردنی هێزێكی سوپای توركیا بۆ سەر سنووری یۆنان لە كاتێكدایە كە بەم دواییە حكوومەتی ئەم وڵاتە هێزێكی سوپاكەی رەوانەی لیبیا كردبوو و تووشی شكستی گەورە هاتوون لە ناوچەكە، هەروەها لە ماوەكانی رابردووشدا هێزێكی سوپای توركیا چەند ناوچەیەكی سووریای داگیر كردووە و لە ماوەی چەند هەفتەی رابردوودا ئەم هێزەش تووشی شكستی گەورە هاتوون لەسەر دەستی هێزەكانی سوپای رووسیا.

دوای ئەوەی هێزەكانی سوپای توركیا ڕووبەڕووی شكستی گەورە بوونەوە لە لیبیا و سووریا، ئەم جارە ئەنكەرا بۆ تۆڵەكردنەوە لە رۆژئاوا، دەرگای بە ڕووی هەزاران پەنابەردا كردەوە بۆ ئەوەی بە شێوەی نایاسایی بەرەو یۆنان بپەڕنەوە، لەوەش زیاتر بە بڕیاری ئەنكەرا پاس بۆ پەنابەران گیراوە و رەوانەی سنوورەكان كراون، ئێستاش كە كێشە لەسەر سنووری یۆنان دروست بووە، بە هۆی ڕێگەنەدان بە پەڕینەوەی پەنابەران، حكوومەتی ئەنكەرا هێزێكی سوپای وڵاتەكە بەرەو سنووری یۆنان جوڵاندووە و دەڵێ بۆ ئەوەیانە گیانی پەنابەران لە دەست هێزەكانی پاسەوانی سنووری یۆنان بپارێزن.

لەمبارەیەوە سلێمان سۆیڵو وەزیری ناوخۆی توركیا رایگەیاند هەزار سەربازی هێزی تایبەتیان بە تەواوی چەك و تفاقەوە رەوانەی سنووری یۆنان كردووە.











باسنيوز