کەسایەتییەکی باڵای ئاینیی کۆماری ئیسلامیی ئێران بەهۆی تووشبوونی بە ڤایرۆسی کۆرۆناوە، گیانی لەدەست دا.

بەپێی هەواڵی میدیا ئێرانییەکان، موحسین حەبیبی، سەرپەرشتیاری حەوزەی زانستیی ئەحمەد موجتەهیدی تەهرانی لە قوم و ئەندامی ئەنجوومەنی باڵای حەوزە زانستییەکانی شیعە، شەوی چوارشەممە 4-3-2020 کۆچی دوایی کردووە.

موحسین حەبیبی تووشی ڤایرۆسی کۆرۆنا ببوو و لە بەشی سەرکردە باڵاکان لە نەخۆشخانەی جەمارانی سەربازی لە تاران، خوێندرابوو.

بەپێی دوایین ئامار، تا ئێستا لە ئێران دوو هەزار و 922 کەس تووشی ڤایرۆسی کۆرۆنا بوون و لەو ژمارەیەش، 92 کەسیان گیانیان لەدەست داوە.








باسنيوز