بنیامین نه‌ته‌نیاهو، سه‌رۆك وه‌زیرانی ئیسرائیل رایده‌گه‌یه‌نێت، ئه‌مڕۆ ئیسرائیلییه‌كان به‌سه‌ر ئاسمانی سعوودیه‌دا ده‌فڕن و پێشبینی ده‌كات، به‌ ماوه‌یه‌كی كه‌م گه‌شتی راسته‌وخۆ له‌ نێوان سعوودیه‌ و ئیسرائیل ئه‌نجام بدرێت.

نه‌ته‌نیاهو به‌ كه‌ناڵی "هه‌لا"ی ئیسرائیلی راگه‌یاندووه‌، كه‌ ئارییێ ده‌رعی، وه‌زیری ناوخۆی ئیسرائیل، واژۆی له‌سه‌ر به‌ڵگه‌نامه‌یه‌ك كردووه‌ كه‌ رێگه‌ به‌ هه‌ڵگرانی پاسپۆرتی ئیسرائیلی ده‌دات بۆ مه‌به‌ستی گه‌شتیاری و بازرگانی گه‌شت بۆ سعوودیه‌ بكه‌ن.

سه‌رۆك وه‌زیرانی ئیسرائیل ئاماژه‌ی به‌وه‌شكردووه‌، كه‌ به‌ ماوه‌یه‌كی كه‌م ده‌گه‌نه‌ ئه‌و ئاسته‌ی گه‌شتی راسته‌وخۆ له‌ نێوان سعوودیه‌ و ئیسرائیل ئه‌نجام بده‌ن.

بنیامین نه‌ته‌نیاهو له‌ گفتوگۆیه‌كه‌دا له‌گه‌ڵ ئه‌و كه‌ناڵه‌ ئیسرائیلییه‌ رایده‌گه‌یه‌نێت، كه‌ ناتوانێت ژماره‌ی گه‌شته‌ نهێنییه‌كانی بۆ وڵاتانی عه‌ره‌بی ئاشكرا بكات.




K24 -