سوپای پاسداران بەرپرسیارێتی خۆی هێرشە مووشەكییەكەی سەر هێزەكانی ئەمەریكا راگەیاند و هەڕەشەی زیاتریش لە ئەمەریكا و ئیسرائیل دەكات.

سوپای پاسداران لە راگەیەندراوێكدا ئەوەی خستەڕوو، كە هێرشە مووشەكییەكە لە تۆڵەی قاسم سولەیمانی دا بووە كە رۆژی هەینی رابردوو 3/1/20202، لە بۆردومانێكی ئەمەریكا لە نزیك فڕۆكەخانەی بەغدا كوژرا.

سوپای پاسداران هۆشداریشی دایە ئەمەریكا وەڵامێكی بەھێزتری دەدەنەوە ئەگەر هاتوو هەر كاردانەوەیەكی لە بەرامبەر هێرشەكەیاندا هەبێت.

هاوكات هەڕەشەی لە ئیسرائیلیش كرد، بەوەی بەدەر نیە لە "تاوانەكانی ئەمەریكا"، وەك ئاماژەیەك بۆ ئەگەری هێرشكردنە سەر بەرژەوەندییەكانی ئیسرائیلیش.








K24