وه‌زاره‌تی به‌رگری رووسیا پلانێكی واشنتن بۆ تاقیكردنه‌وه‌ی دوو مووشه‌می دوورمه‌ودا ئاشكراده‌كات و رایده‌گه‌یێنێت: "كۆتایی ئه‌م مانگه‌ ئه‌مه‌ریكا دوو مووشه‌كی نوێ تاقیده‌كاته‌وه‌ كه‌ له‌ چوارچێوه‌ی په‌یماننامه‌ی نه‌هێشتنی مووشه‌كه‌ مامناوه‌ند و دوورمه‌وداكاندا قه‌ده‌غه‌ كراوه"‌.

فه‌ریقی یه‌كه‌م، سێرگی كاراكایڤ، فه‌رمانداری مووشه‌كه‌ ستراتیژییه‌كانی رووسیا به‌ رۆژنامه‌ی (كراسنایا زه‌ڤیزدا)ـی رووسی گوتووه‌: "تا كۆتایی ئه‌مساڵ، ئه‌مه‌ریكا دوو مووشه‌كی نوێ تاقیده‌كاته‌وه‌، یه‌كێكیان 1000 كیلۆمه‌تر و ئه‌وی دیكه‌یان 3000 كیلۆمه‌تر ده‌ڕوات، جگه‌ له‌وانه‌ش چه‌ندین چه‌ك و ئامرازی دیكه‌ی هێرشبه‌ر و مامناوه‌ندیی تاقیده‌كاته‌وه‌ كه‌ تا ئه‌مڕۆ كه‌س ناتوانێت ده‌سته‌به‌ری ئه‌وه‌ بكات كه‌ هه‌ڵگری كڵاوه‌ی ئه‌تۆمیین یان نا".

به‌گوێره‌ی راپۆرتی رۆژنامه‌ رووسییه‌كه‌، له‌ هه‌مان چوارچێوه‌دا وه‌زاره‌تی به‌رگری ئه‌مه‌ریكا (پێنتاگۆن) رۆژی 12/12/2019 مووشه‌كێكی بالیستی مامناوه‌ندی تاقیكرده‌وه‌ته‌وه‌ و له‌چوارچێوه‌ی ئه‌و په‌یماننامه‌دا قه‌ده‌غه‌كراوه‌ كه‌ له‌ نێوان مۆسكۆ و واشنتن هه‌یه.

به‌ڵام رۆژی 2/8/2019 ئه‌مه‌ریكا له‌ په‌یماننامه‌ی مووشه‌كی كورتمه‌ودا و مامناوه‌ند كشایه‌وه‌ كه‌ ساڵی 1987 له‌گه‌ڵ یه‌كێتی سۆڤییه‌تی جاران واژۆی كردبوو.






K24