سەركونسوڵێكی خانەنشینكراوی توركیا، كە لە هەمانكاتدا نووسەریشە، پێی وایە سەردانەكەی رەجەب تەییب ئەرۆدغان، سەرۆک کۆماری تورکیا بۆ ئەمریكا، ئەگەرچی كردنەوەی دەرگایەكی باشی گفتوگۆ بوو لە نێوان توركیا و ئەمریكا، بەڵام لە هەمانكاتدا بێ ئەنجامیش بوو.

ولوچ ئۆزولكار سەركونسوڵی خانەنشینكراوی توركیا، لە لێدوانێكیدا بۆ ماڵپەڕی (T24)ی توركی، هەڵسەنگاندنی بۆ سەردانەكەی ئەردۆغان بۆ ئەمریكا كردووە.

ولوچ دەڵێت: "سەردانەكەی ئەردۆغان لەلایەك سەركەوتوو بوو و لەلایەكی تریشەوە بێ ئەنجام بوو بۆ توركیا. ئەردۆغان بەو سەردانەی توانی كەشوهەوایەكی نەرم و دەرگای گفتوگۆ بكاتەوە، هەروەها دەستی دۆستایەتی بۆ ئەمریكا درێژ كرد، بەڵام لەلایەكی ترەوە بۆ توركیا بێ ئەنجام بوو و دەسكەوتی نەبوو".

لە بەشێكی‌تری قسەكانیدا ئاماژەی بەوەش داوە لە هەموو ئەگەرێكدا نابێت توركیا پەیوەندیی خۆی لەگەڵ ئەمریكا تێك بدات و پێویستە بەردەوام پەیوەندیی باش بێت، بەڵام ناشیشارێتەوە كە ناكۆكییەكانی ئەمریكا و توركیا لەسەر چەند پرسێكی گرنگ ئەوەندە گەورەیە کە چارەسەركردنی بە شێوەیەكی زۆر مەحاڵە و گرانیشە.

هەفتەی پێشوو ڕەجەب تەیب ئەردۆغان سەرۆک کۆماری تورکیا سەردانی واشنتۆنی کرد و لەگەڵ دۆناڵد ترەمپ، سەرۆک کۆامری تورکیا کۆبووەوە و پەیوەندییەکانی نێوان هەردوولایان تاوتوێ کرد.



باسنيوز