رۆژی پێنجشه‌ممه‌، ئه‌نجوومه‌نی نوێنه‌رانی ئه‌مریكا ده‌نگی بۆ ده‌ستپێكردنی لێكۆڵینه‌وه‌ی ئاشكرا له‌ تۆمه‌ته‌كانی دژی تره‌مپ دا. ئه‌نجوومه‌نی نوێنه‌ران له‌ ژێر كۆنترۆڵی پارتی دیموكراته‌كاندایه‌، كه‌ پارتی ئۆپۆزسیۆنن.

ده‌نگدانه‌كه‌ ته‌نیا زۆرینه‌ی ساده‌ی پێویستبوو. 232 ئه‌ندامی ئه‌نجوومه‌نی نوێنه‌ران به‌ به‌ڵی ده‌نگیان بۆ ده‌ستپێكردنی پرۆسه‌كه‌دا و 196 ئه‌ندام دژی ده‌نگیاندا. هیچ ئه‌ندامێكی پارته‌كه‌ی تره‌مپیش ده‌نگی به‌ "به‌ڵێ" نه‌دا.

پرۆسه‌ی وه‌رگرتنه‌وه‌ی متمانه‌ له‌سه‌رۆك كه‌ پێی ده‌ڵێن ئیمپیچمێنت (impeacmenet) كارێكی ده‌گمه‌نه‌ له‌ ئه‌مریكا و له‌ مێژووی وڵاته‌كه‌دا ته‌نیا سێجار پیاده‌كراوه‌. ئه‌م پرۆسه‌یه‌ ته‌نیا یه‌ك قۆناغی وه‌رگرتنه‌وه‌ی متمانه‌یه‌ له‌ سه‌رۆك.

ئه‌گه‌ربێتو دوای لێكۆڵینه‌وه به‌ زۆرینه‌ی ساده‌ (51%) ده‌نگدرا بۆ ئیمپیچكردن (تۆمه‌تباركردن)ی سه‌رۆك، ئه‌وه‌ سه‌رۆك دۆناڵد تره‌مپ له‌ ئه‌نجوومه‌نی پیران دادگایی ده‌كرێت. دادوه‌ری باڵای ئه‌مریكا سه‌رپه‌رشتی دادگاییه‌كه‌ ده‌كات و ده‌بێت دوو له‌سه‌ر سێی ئه‌ندامانی ئه‌نجوومه‌نی پیران ده‌نگ بۆ لابردنی سه‌رۆك له‌ پۆسته‌كه‌ی بده‌ن.

له‌به‌ر ئه‌وه‌ی ئه‌نجوومه‌نی پیران له‌ ژێر كۆنترۆڵی كۆمارییه‌كاندایه‌، چاوه‌ڕێناكرێت سه‌رۆك به‌ته‌واوی له‌ پۆسته‌كه‌ی دووربخرێته‌وه‌ -یاخود متمانه‌ی لێوه‌ربگیرێته‌وه‌.