هەڵبژاردنی سەرۆکایەتیی تورکیا، کە تێیدا پێنج پیاو و ژنێک رکابەریی یەکتر دەکەن، لە دەرەوەی ئەو وڵاتە دەستی پێ کرد.

رۆژی پێنجشەممە 7/6/2018، لە وڵاتانی ئەڵمانیا، فەرەنسا و نەمسا پرۆسەی دەنگدان بۆ هەڵبژاردنی سەرۆکی داهاتووی تورکیا، دەستی پێ کرد.

بەپێی هەواڵێکی ئاژانسی (ئەنادۆڵ)ی فەرمیی تورکیا، هاووڵاتییانی تورکیا، کە لە ئەڵمانیا دەژین، دەتوانن لە 13 بنکەی دەنگدان لە باڵیۆزخانە و کونسوڵخانەکانی تورکیا لە ئەڵمانیا دەنگ بدەن، لە فەرەنساش لە شەش بنکە و لە نەمساشآ لە سێ بنکە، دەتوانن دەنگ بدەن.

بڕیارە رۆژی 24/6/2018، هەڵبژاردنی سەرۆکایەتیی تورکیا لەناو وڵاتەکەدا بەڕێوە بچێت.


ناوی کاندیدەکان:


- رەجەب تەییب ئەردۆغان، کاندیدی پارتی داد و گەشەپێدان (ئاکەپە)

- موحەڕڕەم ئینجە، کاندیدی پارتی گەلی کۆماری (جەهەپە)


- خاتوو مەڕال ئاکشنەر، کاندیدی(پارتی باش)

- تەمەل کەڕەمەڵڵائۆغڵو، کاندیدی (پارتی سەعادەت)


- دۆغو پەرینچەک، کاندیدی (پارتی نیشتیمان)

- سەڵاحەدین دەمیرتاش، کاندیدی پارتی دیموکراتی گەلان (هەدەپە)









باسنيوز