کۆمسیۆنی هەڵبژاردنی تورکیا کوردێک بە فەرمی وەک کاندیدی سەرۆکایەتیی کۆماری وڵاتەکەی قبوڵ کرد.

بەپێی هەواڵێکی ئاژانسی (ئەنادۆڵ)، چوار پیاو و ژنێک رکابەریی رەجەب تەییب ئەردۆغان، کاندیدی پارتی داد و گەشەپێدان (ئاکەپە)ی دەسەڵاتدار دەکەن، بۆ بوون بە سەرۆک کۆماری تورکیا.

بڕیارە رۆژی 24/6/2018 هەڵبژاردنی سەرۆکایەتیی کۆمار لە تورکیا و باکووری کوردستان ئەنجام بدرێت.

رۆژی یەکشەممە 13/5/2018، کۆمسیۆنی هەڵبژاردنەکانی تورکیا بە فەرمی ناوی شەش کەسی وەک کاندیدی سەرۆکایەتیی کۆماری ئەو وڵاتە، ئاشکرا کرد.


ناوی کاندیدەکان:


- رەجەب تەییب ئەردۆغان، ئاکەپە

- موحەڕڕەم ئینجە، پارتی گەلی کۆماری (جەهەپە)



- خاتوو مەڕال ئاکشنەر، (پارتی باش)

- تەمەل کەڕەمەڵڵائۆغڵو، (پارتی سەعادەت)



- دۆغو پەرینچەک، (پارتی نیشتیمان)

- سەڵاحەدین دەمیرتاش، پارتی دیموکراتی گەلان (هەدەپە)


بە فەرمی کاندیدبوونی سەڵاحەدین دەمیرتاش، کە سەرکردەیەکی ناوداری باکووری کوردستان، لە کاتێک دایە، کە لە رۆژی 4/11/2016ـەوە بە تۆمەتی ھاوکاریکردنی پارتی کرێکارانی کوردستان (پەکەکە) و سووکایەتیکردن بە رەجەب تەییب ئەردۆغانی سەرۆک کۆماری تورکیا دەستگیر کراوە و لە زیندانی شاری ئێدیرنە لە باکووری رۆژئاوای تورکیاوە زیندانی کراوە.









باسنيوز