پووتین و ئەردۆغان لە ئەنقەرەوە لەڕێگەی دەنگ و رەنگ، بەردی بناخەی دروستکردنی وێستگەی ئەتۆمیی "ئاککویو"یان لە مێرسین دانا.

دوای ئەوەی بە سەردانێک گەیشتنە ئەنقەرەی پایتەختی تورکیا، ڤلادیمیر پووتین پێشوازیی لێکرا و بەشداریی لە دانانی بەردی بناخەی وێستگەی ئەتۆمیی ئاککویو کرد.

پووتین بە هاوبەشی لەگەڵ رەجەب تەیب ئەردۆغان، سەرۆککۆماری تورکیا لەڕێگەی دەنگ و رەنگ، بەردی بناخەی پرۆژەکەیان دانا.

ئەردۆغان رایگەیاند، ئاککویو لە 10%ی کارەبای تورکیا دابیندەکات. گوتیشی "ئێستا سەتان گەنجی وڵاتەکەمان لە رووسیا لە بواری وزەدا دەخوێنن، دوای تەواوبووینان لە خوێندن، دەگەڕێنەوە و ئەرکیان دەخرێتەئەستۆ".

پڕۆژەی بیناسازیی وێستگەی ئاککویو لە شارۆچکەی گوڵناری سەر بە مێرسین دەستیپێدەکرێت. وێستگه‌كه‌ له‌ چوار به‌ش پێكدێت و 4 هه‌زار و 800 مێگاوات كاره‌با به‌رهه‌مده‌هێنێت.
rudaw -