لە ئەنجامی هێرشێکی ئاسمانی بۆ سەر غوتەی رۆژهەڵات 29 کەسی سڤیل گیانیان لەدەستدا و ژمارەیەکی دیکەش بریندار بوون.

رێکخراوە مرۆییەکان دەڵێن، هێرشەکە لەلایەن فڕۆکە جەنگییەکانی سووریا و رووسیا بۆ سەر شارۆچکەی دووما لە غوتەی دیمەشق ئەنجامدراوە.

سوپای سووریا هەوڵەکانی بۆ کۆنترۆڵکردنەوەی تەواوی غوتەی رۆژهەڵات لە نزیک دیمەشق لەدەست ئۆپۆزیسیۆن چڕکردووەتەوە.

لەماوەی رابردوودا بەهۆی هێرشی ئاسمانی رووسیا و سووریا بۆ سەر غوتەی رۆژهەڵات زیاتر لە هەزار و 100 کەس گیانیان لەدەستداوە.

سەرەڕای بڕیارێکی ئەنجوومەنی ئاسایش بۆ ئاگربەست لە سووریا کە بە تێکڕای دەنگ پەسندکرا، حکومەتی سووریا سوورە لەسەر ئەوەی گرووپە چەکدارییەکان لە نزیک دیمەشق نەهێڵێت.
RUDAW -