میدیاکانی ئەفغانستان ئاشکرایان کردووە، بەربەیانی ئەمڕۆ ئۆتۆمبێلێکی بۆمبڕێژکراو لە کابولی پایتەختی ئەفغانستان تەقیوەتەوە.



بەپێی ڕاپۆرتی ماڵپەڕی (افق) ئەو ئۆتۆمبێلە ئەمڕۆ شەممە 2018/3/17 لە ناوچەی "پولچەرخی)ی کابول ڕووی داوە کە تێیدا دوو کەس کوژراون و سێ کەسی دیکەش بریندار بوون، کە هەموویان خەڵکی سڤیل بوون.



بە گوتەی نوسرەت ڕەحیمی، جێگری گوتەبێژی وەزارەتی ناوخۆی ئەفغانستان، سەرەڕای پشتڕاستکردنەوەی ئەم هەواڵە ئاشکرای کردووە، هێشتا لەبارەی وردەکاری و ڕێژەی زیان و قوربانییەکانی ئەو ڕووداوە زانیاریی زیاتر لەبەردەست نییە.



هەتا ئێستا هیچ گرووپ و لایەنێک بەرپرسیارێتیی ئەو تەقێنەوەی نەگرتووەتە ئەستۆ.




باسنیوز