كه‌مال كلیچدارئۆغلو، سه‌رۆكی پارتی گه‌لی كۆماری جه‌هه‌یه‌ ئه‌مڕۆ یه‌كشه‌ممه‌ له‌ وتارێكیدا بۆ ئه‌ندامانی پارته‌كه‌ی له‌ ئه‌نكه‌را، ره‌جه‌ب ته‌یب ئه‌ردۆگان سه‌رۆكی كۆماری توركیای به‌ دیكتاتۆر وه‌سف كرد و باسی له‌ هه‌ڵبژاردنی 2019 كرد كه‌ به‌ ته‌واوی خۆیان بۆ ئاماده‌ كردووه‌ و گوتی بەڵێن دەدات توركیا لە دەست ئەردۆگان رزگار دەكات.

كه‌مال كلیچدارئۆغلو له‌ وتاره‌كه‌یدا باسی له‌ هه‌ڵبژاردنی سه‌رۆكایه‌تی 2019ی توركیا كرد و ئاشكرای كرد وه‌كو جه‌هه‌په‌ ئاماده‌كاری زۆر باشیان كردووه‌ و به‌ ته‌واوی خۆیان بۆ ئه‌و هه‌ڵبژاردنه‌ ئاماده‌ كردووه‌.

گوتیشی "به‌ڵێنتان پێده‌ده‌م له‌ هه‌ڵبژاردنی 2019ی سه‌رۆكایه‌تی، له‌م دیكتاتۆره‌ی ئێستە رزگارتان ده‌كه‌م، به‌رده‌وام كار ده‌كه‌ین و به‌رده‌وام هه‌وڵ بۆ نه‌هێشتنی دیكتاتۆره‌كان ده‌ده‌ین".

جه‌هه‌په‌ ده‌یه‌وێت له‌گه‌ڵ هه‌ده‌په‌دا بچێته‌ ناو هاوپه‌یمانییه‌وه‌، تا له‌ هه‌ڵبژاردنی 2019 بتوانن به‌ هه‌ردوو پارت یه‌ك كاندیدیان هه‌بێت بۆ ركابه‌ری ئه‌ردۆگان.









باسنيوز