كه‌سایه‌تییه‌كی ئایینی توركیا، له‌ هه‌فته‌ی رابردوو، داوای كرد هه‌ر كه‌سێك كچی 6 ساڵانی هه‌یه‌ ئاساییه‌ به‌ شووی بدات، چونكه‌ له‌ ئیسلامدا رێگه‌ پێدراوه‌. له‌سه‌ر ئه‌و گوته‌یه‌ داواكاری گشتی ئه‌نكه‌را داوای یاسایی له‌سه‌ر به‌رز كرده‌وه‌.

نوره‌دین یڵدز سه‌رۆكی ده‌زگای خێرخوازی (دوكۆ سۆسیال)، هه‌فته‌ی رابردوو له‌ دیمانه‌یه‌كی ته‌له‌ڤزیۆنیدا گوتی: "ئاساییه‌ كچی 6 ساڵان به‌ شوو بدرێت، چونكه‌ له‌ ئیسلامدا رێگه‌ پێ دراوه‌. هه‌روه‌ها هه‌ر ئافره‌تێك ده‌بێت شوكوور بێت كاتێك مێرده‌كه‌ی به‌ شه‌ق لێی ده‌دات".

له‌سه‌ر ئه‌م گوتانه‌، داواكاری گشتی ئه‌نكه‌را داوای یاسایی له‌سه‌ر به‌رز كرده‌وه‌ و، له‌ ناوه‌ڕۆكی داوا یاسایه‌كه‌ش نووسراوه‌: "له‌به‌ر ئه‌وه‌ی ویستویه‌تی كین و دوژمنایه‌تی له‌ناو خه‌ڵكدا دروست بكات، بۆیه‌ پێویسته‌ سزای خۆی وه‌ربگرێت".








باسنيوز