جێگری ترەمپ نەرمیی بەرامبەر کیم جۆنگ ئون دەنوێنێت
مایک پێنس، جێگری دۆناڵد ترەمپی سەرۆکی ئەمریکا لە چاوپێکەوتنێکی رۆژنامەی (واشنتن پۆست)دا رایگەیاندووە، هەڵمەتەکانی گوشارخستنە سەر کۆریای باکوور بەردەوام دەبن و بەهێزتریش دەبن.
مایک پێنس هاوکات رایگەیاندووە، کە ئەگەر کۆریای باکوور داوای کۆتایی هێنان بە کێشەکان لەڕێی دانوستاندنەوە بکات، ”ئەوا دادەنیشین و دانوستاندن دەکەین“.
هەرچەندە جێگری سەرۆکی ئەمریکا دانوستاندن بەڕێگایەکی سەرکەوتوو دەزانێ بۆ کۆتایی هێنان بە کێشە و ناکۆکییەکان، بەڵام تا ئێستا هەڵوێستی فەرمیی ئەمریکا لەبارەی کۆریای باکوور بریتییە لەوە، پێویستە ئەو وڵاتە پێش هەر دانوستاندنێک، دەستبەرداری هەموو بەرنامە ناوەکی و سەربازییەکانی بێت و کۆریای باکووریش ئەو مەرجە رەتی دەکاتەوە.
بەهۆی پەرەپێدان بە بەرنامەی چەکی ناوەکی و کۆمەڵکوژ و هەڕەشە بەردەوامەکانی کۆریای باکوور لەسەر ئاسایشی جیهان، ئەمریکا و ئەنجومەنی ئاسایشی نێودەوڵەتی چەندین سزایان بەسەر ئەو وڵاتەدا سەپاندووە.
باسنیوز
