لە رووداوێکی تەقەکردندا لە ویلایەتی پەنسلڤانیا لە رۆژهەڵاتی ئەمریکا، پێنج کەس کوژران.

پۆلیسی ویلایەتەکە رایگەیاند، رۆژی یەکشەممە 28-1-2018 لە شووشتنگەی مێڵکرۆفت، شەڕ و ئاڵۆزی لەنێو گرووپێک روویداوە و بەهۆیەوە پێنج کەس کوژران و کەسێکی دیکەش برینداربووە.

بەگوێرەی زانیارییە سەرەتاییەکان، کوژراوەکان سێ پیاو و دوو ژنن، بەڵام تاوەکو ئێستاش نازانرێت چ کەس و لایەنێک تەقەیکردووە و بەرپرسە لە کوشتنیان.

پۆلیسی شارەکە رایگەیاند، تاوەکو ئێستا هۆکاری هێرشەکە نەزانراوە و لێکۆڵینەوەکان لەوبارەیەوە بەردەوامن.
RUDAW -