له‌ مالاتیای توركیا، له‌ناو مۆزه‌خانه‌ی تورگوت ئۆزه‌ل و مۆزه‌خانه‌ی عیسمه‌ت ئینۆنو، كه‌ هه‌ردووكیان پێشتر سه‌ركۆماری توركیا بوون، 5 پارچە كەلوپەلی گرنگ دزراون، كه‌ وه‌كو شوێنەوارێكی توركیا دەهاتنەژماردن.

رۆژنامه‌ی (خه‌به‌ر تورك) بڵاوی كردووه‌ته‌وه‌، له‌ناو مۆزه‌خانه‌ی توركوت ئۆزه‌ل هه‌شته‌مین سه‌ركۆماری توركیا، سه‌عاته‌كه‌ی ده‌ستی كه‌ له‌ ئاڵتون دروست كرابوو، هه‌روه‌ها دووربینێكی نایاب و لۆگۆی پارتی وه‌ته‌ن دزراوه‌.

له‌ هه‌واڵه‌كه‌دا هاتووه‌ كە له‌ناو مۆزه‌خانه‌ی عیسمه‌ت ئینۆنوش، مۆری تایبه‌تی عیسمه‌ت و ژماره‌ی ئۆتۆمبێله‌كه‌ی دزراوه‌.

به‌ڕێوه‌به‌رایه‌تی گشتیی گه‌شتوگوزاری مالاتیا له‌ به‌یاننامه‌یه‌كدا ئاشكرای كردووه‌، ئه‌و كه‌لوپه‌لانه‌ی ئه‌و 2 سه‌رۆك كۆماره‌ دزراون و كه‌سیش نازانێت كێ دزیوینی، به‌ڵام كه‌لوپه‌له‌كان گرانبه‌هان و وه‌كو شوێنەوارێكی گرنگ ته‌ماشا كراون.









باسنيوز