سەرۆک وەزیرانی هەنگاریا بڕیاری کۆتایی لەبارەی وەرگرتنی پەنابەرانەوە دەدات.

ڤیکتۆر ئۆربان، سەرۆک وەزیرانی هەنگاریا بە میدیاکانی وڵاتەکەی راگەیاندووە، شاڵاوی پەنابەرانی موسڵمان بۆ هەنگاریا دەبێتە هۆی دروستکردنی دوو کۆمەڵگەی جیاواز لە هەنگاریا و ”ئێمە وەک داگیرکاریی موسڵمانان سەیری دەکەین“.

ڤیکتۆر ئۆربان جەختی لەوە کردووەتەوە، کە پەنابەران هەڕەشەن بۆ سەر وڵاتانی ئەوروپا، بۆیە ”لە داهاتوودا هیچ پەنابەرێک وەرناگرین“ و هیوای خواست سنوورە دەرەکییەکانی یەکێتیی ئەوروپا تۆکمە بکرێن بۆ رێگری لە پەنابەران.

بەهۆی شەڕ و قەیرانەکانی وڵاتانی باکووری ئەفریقیا و رۆژهەڵاتی ناوەڕاست بە تایبەت وڵاتانی لیبیا، سوریا، عێراق و ئەفغانستان، سەدان هەزار هاووڵاتی ناچاربوونە ماڵ و حاڵی خۆیان بەجێبهێڵن و رووبکەنە وڵاتانی ئەوروپا.

هەنگاریا وڵاتێکی ئەوروپییە و کەوتووەتە رۆژهەڵاتی ئەو کیشوەرە.












باسنيوز