پەرلەمانی ئێران لەبارەی خۆپیشاندانەکان کۆبوونەوەیەکی نائاسایی بەڕێوە دەبات
ماڵپەڕی (تەسنیم)ی سەر بە سوپای پاسداران لەمبارەوە بڵاوی کردووەتەوە، لە کۆبوونەوەکەی ئەمڕۆ پەرلەمانی ئێراندا عەبدولڕەزا ڕەحمانی فەزڵی، وەزیری ناوخۆ، مەحموود عەلەوی وەزیری ئیتلاعات و عەلی شەمخانی سکرتیری ئەنجومەنی باڵای ئاسایشی نەتەوەیی ئامادەی کۆبوونەوەکە دەبن.
بەپێی هەمان سەرچاوە، پرسی خۆپیشاندانەکانی 10 رۆژی ڕابردووی شارەکانی ئێران و کاردانەوە و کاریگەرییەکانی تەوەری دانیشتنی نێوان پەرلەمانتاران و بەرپرسانی باڵای سیاسی و ئەمنیی ئێران.
ماوەی 11 ڕۆژە بەهۆی ڕەوشی خراپی ئابووری، بێکاری و گرانی خەڵکی ناڕازی ڕژاونەتە سەرشەقامەکان و لە زیاتر لە 100 شاری ئەو وڵاتە خۆپیشاندان لەدژی حکوومەت ڕووی داوە و هەتا ئێستا 22 هاووڵاتی بە تەقەی هێزە ئەمنییەکانی ئێران کوژراون و زیاتر لە 1800 کەسیش لە سەرتاسەری ئێران دەستگیر کراون کە زیاتر لە 10 کەس لە کوژراوەکان کوردن و زیاتر لە 200 کەس لە دەستگیرکراوەکانیش کورد بوون.
باسنیوز
