مەولوود چاوشئۆغڵوو، وەزیری دەرەوەی توركیا، ڕەخنە لە ئەمریكا دەگرێت بەوەی تاكوو ئێستا بە شێوەیەكی دروست مامەڵەی لەگەڵ توركیادا نەكردووە.



چاوشئۆغڵوو لە ناوەندی كولتووریی ئەنتاڵیا وتارێكی پێشكەش كرد و لەوێ ئاماژەی بەوە دا ئەمریكا فێر دەبێت لەمەودوا چۆن مامەڵە لەگەڵ توركیادا بكات و لێ ڕادێت كە توركیا توركیای جاران نییە.



پێشی وایە كاتی خۆی بۆیە یەكێتی ئەورووپا پێكهێنراوە تا لە بەرانبەر بەهێزنەبوونی توركیا بوەستێتەوە، بۆیەش نایەڵن توركیا ببێتە ئەندام لەو یەكێتییە، چونكە هاوسەنگیی ئەڵمانیا و فەڕەنسا تێك دەچێت.



لەبارەی كێشەی سووریاشەوە، چاوشئۆغڵوو گوتی: "چارەسەركردنی كێشەی سووریا لەڕووی جوگرافییەوە بەبێ توركیا هیچ واتایەكی نییە. بۆ دۆست و دوژمنیشمان سەلماند بەبێ ئێمە ناتوانن هیچ بكەن".




باسنیوز