وڵاتێکی چەپ پشتگیریی خۆی بۆرژێمی کۆریای باکوور راگەیاند، کە کیم جۆنگ ئون سەرۆکایەتی دەکات.



رۆژی چوارشەممە 22/11/2017، بڕۆنۆ رۆدریگیز، وەزیری دەرەوەی کوبا لە هاڤانای پایتەختی وڵاتەکەی لەگەڵ ری یونگ هۆڤی، وەزیری دەرەوەی کۆریای باکوور کۆ بووەتەوە.



لە کۆبوونەوەکەدا، هەردوو لا دژایەتیی خۆیان بۆ ”بڕیارە تاکلایەنە و توندڕەوییەکان“ی ئەمریکا نیشان داوە و بڕۆنۆ رۆدریگۆ پشتگیریی وڵاتەکەی بۆ کۆریای باکوور لە دژی ئەمریکا، راگەیاندووە.



بەهۆی پەرەپێدان بە بەرنامەی چەکی ناوەکی و کۆمەڵکوژ و هەڕەشە بەردەوامەکانی کۆریای باکوور لەسەر ئاسایشی جیهان، ئەمریکا و ئەنجومەنی ئاسایشی نێودەوڵەتی چەندین سزایان بەسەر ئەو وڵاتەدا سەپاندووە.


باسنیوز