پێگەی (oilprice)ی جیهانی بڵاوی کردەوە، ئەمڕۆ هەینی (2017/11/17)، لە کاتژمێر (9)ی شەو بە کاتی کوردستان، نرخی یەک بەرمیل نەوتی برێنت بە (62) دۆلار (69) سەنت مامەڵەی پێوەکرا و نرخی یەک بەرمیل نەوتی خاوی ئەمریکیش بە (56) دۆلار (64) سەنت مامەڵەی پێوەکرا.


بەرزبوونەوەی نرخی نەوت لە چەند هەفتەی ڕابردوو هاوکاتە لەگەڵ ئەگەری درێژکردنەوەی ڕێککەوتنەکەی کۆتایی مانگی تشرینی دووەمی ساڵی ڕابردوو، کە تێیدا وڵاتانی ئەندام لە ڕێکخراوی ئۆپیک و دەرەوەی ئۆپیک ڕێککەوتن لەسەر سنووردارکردنی بەرهەمهێنانی نەوت و لە مانگی ئازاری ساڵی داهاتووش ڕێککەوتنەکە کۆتایی دێت.