بیرد شێرمەن، نوێنەری دیموکراتی کۆنگرێسی ئەمریکا لە دانیشتنی دامەزراوەی (هادسۆن) ڕای گەیاندووە گرتنەبەری گەمارۆی نوێ بەسەر ئێراندا وا لەو وڵاتە دەکات تاران بە چۆکدا بێنێت و وای لێدەکات بۆ لابردنی گەمارۆکان لە ئەمریکا بپاڕێتەوە.



بەپێی ڕاپۆرتی پێگەی ئەنتەرنێتیی (واشنتۆن ئاگزمیر) شێرمەن لە درێژەدا دەڵێت: "ئەگەر ئێمە بۆ سەپاندنی گەمارۆ بەسەر ئێراندا وەک پێویست بچینە پێش، سەرەنجام ئەوان دەکەونە پاڕانەوە کە لەبارەی هەموو پرسەکان و بەتایبەت لابردنی گەمارۆکان و پێداچوونەوە بە ڕێککەوتنی ئەتۆمی پێکەوە گفتوگۆ بکەین".



ئەم یاساناسە باڵایەی کۆنگرێسی ئەمریکا ئاماژەی بەوەش کردووە: "ئێمە پێویستمان بە لووتکەی گەمارۆکەی سەر ئێران، دەبێتە هۆی گەمارۆی ناوکی و پێشگیری لە پشتیوانییە نێودەوڵەتییەکان بۆ بەرنامە ناوکییەکەی تاران".



ئەو کۆنگرێسمانە ئەمریکییە لە درێژەدا ڕاشی گەیاندووە: "ئێمە دەتوانین گەمرۆکانی سەر ئێران بگەیەنینە لووتکە و بەبێ ئەوەش ئاماژەیەک بە ڕێککەوتنی ناوکیش بکەین و دوای ئەوەش دەتوانین پشتیوانیی ئەورووپا بەدەست بێنین".



باسنیوز