وەزارەتی بەرگریی ئەفغانستان ئاشکرای کردووە، لە ئەنجامی تەقینەوەیەکی خۆکوژی لە بنکەیەکی سوپا لە ویلایەتی قەندهاری ئەفغانستان، 43 سەرباز و دە هێرشبەری تاڵیبان کوژران.

بەپێی هەواڵێک کە لە ماڵپەڕی وەزارەتی بەرگریی ئەفغانستان بڵاو کراوەتەوە، گوتەبێژی ئەو وەزارەتە ڕای گەیاندووە لەو بنکە سەربازییە 60 سەرباز جێگیر بوون کە 43 کەسیان کوژراون و 9 کەسیش بریندار، شەش کەسیش بێسەروشوێن بوون کە دوو کەسیان ڕزگاریان بووە.

هێرشەکە 2:30 خولەکی بەرەبەیانی ئەمڕۆ پێنجشەممە لە ناوچەی "کانی"ی ویلایەتی قەندهار لە باشووری ئەفغانستان ڕووی داوە و هاوکات 10 هێرشبەر کە سەر بە تاڵیبان بوون گیانیان لەدەست داوە.

لە ماوەی سێ مانغی ڕابردوودا بۆشاییەکی ئەمنی لە ئەفغانستان ڕووی داوە و دەیان تەقینەوە لەلایەن گرووپی تاڵیبانەوە لە ناوەندە سەربازییەکان ڕووی داوە.










باسنيوز