بە گوتەی پۆلیسی کابول لە کاتی نوێژی نیوەڕۆی ئەمڕۆ هەینی لە مزگەوتی ئیمام زەمانی شیعەکانی ئەفغانستان لە ناوچەی (قەڵای نەجاڕەکان) تەقینەوەیەک رووی داوە.

لەم بارەوە بنکەی 119 پۆلیسی کابول بە تۆڕی میدیایی (BBC) ی گوتووە "سەرەتا لەکاتی نوێژخوێندندا تەقینەوەیەک ڕووی داوە و پاشان دەستڕێژ دەستی پێکردووە و وا دیارە هێرشبەرەکان چوونەتە ناو مزگەوتەو و دەستڕێژیان لە نوێژخوێنەکان کردووە".

بەپێی هەمان سەرچاوە هێزە ئەمنییەکان بۆ کۆنترۆڵی دۆخەکە چوونە شوێنی ڕووداوەکە.

ئەو ڕووداوە لە مزگەوتی ئیمام زەمانی تایبەت بە شیعەکانی ئەفغانستان ڕووی داوە و نەجیب دانش گوتەبێژی وەزارەتی ناوخۆی ئەفغانستانیش ئەم هەواڵەی پشتڕاست کردووەتەوە و دەڵێت دوای تەقینەوەکە سێ هێرشبەر چوونەتە ناو مزگەوتەکە، بەڵام هەتا ئێستا وردەکاری لەبارەی ژمارە و ڕێژەی قوربانییەکان بڵاو نەکراوەتەوە.











باسنيوز