بە گوتەی سەرچاوەکانی فەرەنسا کە لەزاری پۆلیسی فەرەنساوە بڵاویان کردووەتەوە، لە ئەنجامی دەستڕێژی گوللە لە شاری (تولۆز)ی فەرەنسا،کەسێکی کوژراوە و شەش کەسی دیکەش بریندار بوون.



سەرچاوەکانی فەرەنسا ئاشکرایان کردووە، ئەو ڕووداوە شەوی ڕابردوو لە مەیدانی (ئابال)ی شاری تولۆز ڕووی داوە و چەند ماتۆرسوارێک هێرشیان کردووە و کەسێکیان بەناو خەڵکدا دەستڕێژی کردووە و پاشان بەخێرایی شوێنەکەیان بەجێ هێشتووە.



پۆلیس ئەو شەقامە و شەقامەکانی دەوروبەری کۆنترۆڵ کردووە و دەستی بە لێکۆڵینەوە کردووە.



ئەو ڕووداوەی فەرەنسا چەند کاتژمێر پاش ئەوە ڕووی دا کە (ئەمانۆئێل ماکرۆن) سەرکۆماری فەرەنسا ڕای گەیاند هەتا کۆتایی ئەمساڵ بەتەمای لابردن و هەڵوەشانەوەی دۆخی نائاساییە.



دۆخی نائاسایی لە فەرەنسا پاش هێرشی مانگی نوامبر لە ساڵی 2015ی پاریس ڕاگەیەندرا کە تێیدا زیاتر لە 130 کەس کوژران کە هەتا ئێستا چەندین جار حاڵەتی هێرش و تەقینەوە لە چەند شارێکی ئەو وڵاتە ڕوووی داوە.



باسنيوز