کرستیانۆ رۆنالدۆ ئەستێرەی یەکەمی یانەی ریال مەدریدی ئیسپانی ئەم وەرزە بەخراپترین ئاستی تێدەپەڕێت لەوەتەی پەیوەندی بە یانەی ریال مەدرید کردووە ..

بەپێی راپۆرتێکی رۆژنامەی سپۆڕتی ئیسپانی , لەوەتەی رۆنالدۆ لە ساڵی ٢٠٠٩ پەیوەندی بە یانەی ریال مەدرید کردووە , ئەم وەرزە خراپترین وەرزیەتی لەگەڵ یانەی شاھانە ..

لە راپۆرتەکە ھاتووە , لەم وەرزە رێژەی گۆڵ تۆمارکردنی رۆنالدۆ دابەزیووە بۆ خوار (٠,٨٦) لەیەک یاریدا , ئەمەش خراپترین ژمارەی رۆنالدۆیە لەگەڵ یانەی ریال مەدرید, چونکە لەم وەرزە رۆنالدۆ لە ٢٢ یاری تەنھا ١٩ گۆڵی تۆمارکردووە ..

لەراپۆرتەکە ئاماژە بەوەکراوە , ھەرچەندە ئەم وەرزە رۆنالدۆ ١٠١ تۆپی ئاڕاستەی گۆڵ کردووە , بەلام تەنھا ٤٦ لێدانی لە چوارچێوەی گۆڵ بووە , ھەروەھا ئەم وەرزە رۆنالدۆ تەنھا ٤ پاسی یەکلاکەرەوەی داوەتە ھاوڕێکانی لە یانەی شاھانە..

PAYAMNER-