بەپێی هەواڵی میدیاکانی کۆماری ئیسلامیی ئێران، دوێنێ سێشەممە فەرماندەیەکی دیکەی سوپای پاسدارانی ئێران لە سووریا کوژراوە.



ماڵپەڕی "ئەهلی بەیت"ی ئێران بڵاوی کردووەتەوە، ئەو فەرماندەیەی سوپای پاسداران ناوی مستەفا زاڵ‌نەژاد، و خەڵکی شاری (ئامول)ی سەر بە پارێزگای مازندەران لە باکووری ئێرانە و دێنێ سێشەممە 2017 -2- 14 لە یەکێک لە شارەکانی سووریا لە شەڕ لەگەڵ ئۆپۆزیسیۆن و بەرەی (ئەلنوسرە) کوژراوە.



بەپێی زانیاریی میدیاکانی ئێران ئەو کەسە ئەندام و فەرماندەیەکی سوپای مازندەران و کەسێکی نزیکی قاسم سلێمانی فەرماندەی سوپای قودس بووە.



هەتا ئێستا تەنیا لە پارێزگای مانزندەران 36 کەس لە شەڕی ناوخۆیی سووریا کوژراوەن.



لە ڕۆژانی ڕابردوودا لە پارێزگاکانی "حومس و حەلەب" هێزەکانی سوپای سووریا، بە یارمەتیی سوپای قودسی ئێران چەند پێشڕەوییەکیان کردووە.



بەپێی ئامار و زانیاریی میدیاکانی سوپای پاسداران، لە ماوەی شەش ساڵی ڕابردوودا لە شەڕی ناوخۆی سووریا کە ئێران وەک پاڵپشتی ئەو وڵاتە دێتە ئەژمار، هەتا ئێستا زیاتر لە 3 هەزار چەکداری سوپای پاسداران کوژراون.






باسنیوز