بەپێی ڕاپۆرتی تۆڕی میدیایی "سکای نیوز" پێشنیوەڕۆی ئەمڕۆ چوارشەممە لە شارۆچکەی "ئەلعەین" لە بەعەلبەکی لوبنان تەقینەوەیەکی بەهێز ڕووی داوە و تێیدا جێگری شارەوانی کوژراوە.

بەپێی هەمان سەرچاوە لەو تەقینەوەیەدا کەلە ڕێگەی ئۆتۆمبێلی بۆمبڕێژکراوەوە بووە، جێگری شارەوانیی ئەلعەین کوژراوە و شۆفێری ئۆتۆمبێلەکەشی بریندار بووە.

باس لەوە دەکرێت ئامانج تیرۆری سەرۆکی شارەوانیی ئەلعەین بووە.

هەتا ئێستا زانیاریی و وردەکاریی زیاتر لەبارەی ڕێژەی کوژراو و برینداران و ئەنجامدەریانی ئەم تەقینەوەیە بڵاو نەکراوەتەوە.

بەعەلبەک یەکێک لە شارۆچکە سنوورییەکانی پارێزگای "بەقاع"ی لوبنان کە لەگەڵ سووریا هاوسنوورە و پێشتریش ڕووداوی هاوشێوە تییدا ڕووی داوە و شەڕ و پشێوییەکانی ناو سووریا لەم ڕووداوانەدا کاریگەرن.





باسنيوز