لە کەمتر لە هەفتەیەکدا دوو رووداوی شەمەندەفەر لە ئێران روویاندا و دوای ئەوەی رۆژی هەینیی رابردوو لە پارێزگای سمنان دوو شەمەندەفەر خۆیان بەیەکتردا کێشا، ئێوارەی رۆژی دووشەمەی ئەم هەفتەیەش شەمەندەفەرێکی دیکە خۆی بە پیکەبێکی نیساندا کێشا ودووکەس گیانیان لەدەست دا.



بەڕێوەبەری فریاکەوتنی پزیشكیی پارێزگای مازەندەران، زەکەریا ئەشکپوور، بە ئاژانسی هەواڵی فارسنیوزی راگەیاند: ئێوارەی رۆژی دووشەممە لە شارۆچکەی "فەرهەنگیان" ی شاری "ساری"، شەمەندەفەرێک خۆی بە پیکەبێکی جۆری نیساندا کێشاوە.

ئەشکپوور، گوتی: بەهۆی خۆ پێکدادانەکە، ئۆتۆمبێلەکە تەقیوەتەوە و دوو سەرنشینەکەی گیانیان لەدەست داوە.

رۆژی هەینیی رابردووش بەهۆی بەریەک‌کەوتنی دوو شەمەندەفەر لە نێوان شارەکانی سمنان و دامغان لانیکەم ٤٥ کەس گیانیان لەدەست دا.
PAYAMNER-