بە گوتەی قایمقامی شاری (بێهشەهر) لە پارێزگای مازندەران لە باکووری ئێران، بەرەبەیانی ئەمڕۆ یەکشەممە کۆپتەرێکی کۆمپانیان (نەوت خەزەر) چەند خولەک دوای فڕین بەر بووەتەوە و کەوتووەتە ناو دەریای خەزەرەوە.



بەپێی ڕاپۆرتی ماڵپەڕی میهر و بە پشتبەستن بە لێدوانی (سەید خالق سەجادی) قایمقامی (بێهشەهر) بەرەبەیانی ئەمڕۆ یەکشەممە 2016 -11- 27 ئەو کۆپتەرە بۆ ڕزگارکردنی گیانی نەخۆشێک هەڵفڕیوە و پاش چەند خولەک بەربووەتە و کەوتووەتە ناو دەریای خەزەر و هەر پێنج سەرنشینی گیانیان لەدەست داوە.



بەپێی زانیاەییەکانی ماڵپەڕی (عەسری ئێران) هەر پێنج سەرنشینی ئەو کۆپتەرە گیاناین لەدەست داوە و لاشەی کۆپتەرەکە و تەرمی دوو کەس لە کوژراوەکان لەلایەن تیمەکانی فریاگوزارییەوە لە ئاو دەرهێنراون و گەڕان بەدوای تەرمی سێ کەسەکەی دیکەدا بەردەوامە.





باسنيوز