تورکیا و سوپای ئازادی سووریا مەبەستیانە لە شارۆچكەی جەرابلوسی رۆژئاوای كوردستانەوە بە ئاراستەی باب بڕۆن و، هەموو ئەو ناوچەیە بەیەكەوە ببەستنەوە تاوەكو دەگاتە عەزاز و بیخەنە ژێر رکێفی خۆیان.

ا سەرنج خراوەتە سەر پلانی سەربازی تورکیا و سوپای ئازادی سووریا لە چوارچێوەی ئۆپەراسیۆنی قەڵغانی فورات، کە جێپێی سوپای تورکیا لە سووریا بەهێز دەکات، هاوکات ئامانجێکی دیکەی ئۆپەراسیۆنەكە لێدانی کانتۆنەکانی رۆژئاوای كوردستان و دابڕانیانە لە یەکدی.

رۆژی 24/8/2016 سوپای تورکیا ئۆپەراسیۆنی قەڵغانی فوراتی دەستپێکرد، لەو ئۆپەراسیۆنەدا دەیان تانک و فڕۆکە بەشداربوون، هاوکات چەکدارانی ئۆپۆزیسیۆنی سووریا لە دیوی تورکیاوە چوونە نێو جەرابلوس و تاوەكو ئێستا ناوچەیەكی فراوانیان كۆنترۆڵكردووە.