ڕۆکێتێک کە لە قۆناغی ئامادەکاریدا بوو بۆ ڕەوانەکردنی بۆناو بۆشایی ئاسمان تەقییەوە، ئەمەش بووە هۆی دواکەوتنی پرۆژەیەکی فەیسبووک کە پشتی بەو ڕۆکێتە بەستبوو.

بەیانی ئەمڕۆ ٢ی ئەیلولى ٢٠١٦ ڕۆکێتی فالکۆن ٩ کە لە پلانیدابوو ئەم هەفتەیە ڕەوانەی بۆشایی ئاسمان بکرێت تەقییەوە، هۆکاری تەقینەوەکەش هێشتا نەزانراوە.

ڕۆکێتەکە لە شوێنی هەڵدانیدا تەقییەوە و بەو هۆیەوە ڕۆکێتەکە و هەموو ئەو بارەی کە لە ناویدابوو لەناوچوون.

یەکەمین مانگی دەستکردی کۆمپانیای فەیسبوکیش لەم ڕۆکێتەدا بوو کە دەیویست ڕەوانەی خولگەی تایبەتی خۆی بکات لە بۆشایی ئاسماندا.
NRT -