وەزیری بەرگری ئەمریكا رایگەیاند، بە تورکیا و یەپەگەیان راگەیاندووە شەڕ لە دژی یەکدی نەکەن.

ئاشتن کارتەر، وەزیری بەرگری ئەمریكا (پێنتاگۆن) لە كۆنگرەیەكی رۆژنامەڤانیدا لەگەڵ هاوتا هیندییەكەی، رایگەیاند "بەتورکیامان راگەیاندووە ئێستا شەڕی داعش لە پێشەوەی هەموو شتێکە".

کارتەر گوتیشی "دەزانین تورکیا کێشەی مێژوویی لەگەڵ یەپەگە هەیە، بەڵام ئێستا کاتی ئەوە نییە. بە یەپەگەشمان راگەیاندووە لە هەندێک ناوچە بکشێنەوە".

وەزیری بەرگری ئەمریكا جەختیكردەوە، بە هەردوو لایەنی تورکیا و یەپەگەیان راگەیاندووە شەڕ لە دژی یەکدی نەکەن.


رووداو -