دوای ئه‌وه‌ی رۆژی سێشه‌ممه‌ی رابردوو بوومه‌له‌رزه‌یه‌ك له‌ چه‌ند گوندێكی ئیتالیا روویدا، ژماره‌ی كوژراوان ئه‌و بوومه‌له‌رزه‌یه‌ له‌و ژماره‌یه‌ی پێشتر راگه‌یه‌نرابوو، به‌رز بووه‌وه‌.

رۆژی سێشەممەی رابڕدوو كاتژمێر ٠٣:٣٦ی خولەک بە کاتی ناوخۆی ئەو وڵاتە، لە ناوچەی ئاکومۆلی بەدووری١٤٠ کیلۆمەتر لەرۆژھەڵاتی شاری رۆما بومەلەرزەیەک روویدا و ئەمڕۆش رێوڕەسمی بەخاکسپاردنی ٣٥ کەس کە دووانیان منداڵ بوون، لە ناوچەی ئاسکۆنی پیکەنۆ بەرێوەچوو.

ھاوکات سەرکۆماری ئیتاڵیا سێرجیۆ ماتەرێلا بەشداری لە پرسەکە کرد.

کارەکانی رزگارکردن و بەدواگەڕان لە ناوچەی بومەلەرزەکە بەردەوامە و ژمارەی ئەو کەسانەی کە لە رووداوەکەدا گیانیان لەدەستداوە گەیشتە ٢٩٠ کەس.

تیمەکانی بەرگری شارستانی، بەمەبەستی ھاوکاریکردنی ئەو کەسانەی لە رووداوەکە زیانیان بەرکەوتووە، بە ناردنی پەیامی کورت، تاکو ئێستا شەش ملیۆن و ١٢٠ ھەزار یۆرۆیان كۆكردوەتەوە