کەجەکە: لەسەر داواى چەند وڵات و لایەنێک ئامادەین بۆ ئاشتى ئەگەر تورکیا هەنگاو بنێت
لە ڕاگەیەندراوێکدا سەرۆكایەتی كۆنسەی بەڕێوەبەریی کەجەکە، کە ئەمڕۆ ٢٠ى ئابی ٢٠١٦ بڵاوکراوەتەوە، ئاماژەی بۆ ئەوە کردووە، لەسەر داوای چەند وڵاتێک و چەند لایەنێکی دۆست لە هەرێمی کوردستان و هەدەپە داواکراوە کێشەی کورد لەتورکیا بە ڕێگای گفتوگۆ چارەسەر بکرێت.
ئاماژەی بەوەشداوە، ئەوان وتوویانە گفتوگۆ پێویستە و داوای ئاشتیان کردووە، بەڵام دەبێت دەوڵەتی تورکیا هەنگاوی جدی بۆ ئاشتی بنێت و ئەوکات هەرچی بکەوێتەسەر ئەوان ئەنجامی دەدەن.
کەجەکە ڕاشیگەیاندووە، بۆ دەستپێكردنەوەی گفتوگۆکانی ئاشتی، پێویستە دەوڵەتی توركیا هەنگاوی یەكەم بنێت و ئەگەر ئەوان هەنگاوی جدی بنێن، ئەوانیش بۆ پرۆسەکە ئامادە دەبن.
کەجەکە دەشڵێت، ئەگەر تورکیا بیەوێت لە ماوەی مانگێكدا پرسی کورد چارەسەر دەبێت و ئاشتی بۆ توركیا دەگەڕێتەوە، بەڵام پێویستە تورکیا بە جدی هەنگاو بۆ چارەسەرکردنى پرسی كورد بنێت.
لەبەشێکی تری ڕاگەیەندراوەکەدا، کەجەکە مەرجەکانی دەستپێکردنەوەی پرۆسەی ئاشتی ئاشکراکردووە و دەڵێت، دەبێت تورکیا نیازپاکی خۆی بسەلمێنیت ئەویش دوای ئەوەی وەفدێكی پەرلەمانی توركیا كە پەرلەمانتارانی هەدەپە لەناویاندا بێت بچنە ئیمراڵی و ئەوکات ڕاستەوخۆ گفتوگۆکان دەستپێبكاتەوە.
لە ڕاگەیەندراوێکدا سەرۆكایەتی كۆنسەی بەڕێوەبەریی کەجەکە، کە ئەمڕۆ ٢٠ى ئابی ٢٠١٦ بڵاوکراوەتەوە، ئاماژەی بۆ ئەوە کردووە، لەسەر داوای چەند وڵاتێک و چەند لایەنێکی دۆست لە هەرێمی کوردستان و هەدەپە داواکراوە کێشەی کورد لەتورکیا بە ڕێگای گفتوگۆ چارەسەر بکرێت.
ئاماژەی بەوەشداوە، ئەوان وتوویانە گفتوگۆ پێویستە و داوای ئاشتیان کردووە، بەڵام دەبێت دەوڵەتی تورکیا هەنگاوی جدی بۆ ئاشتی بنێت و ئەوکات هەرچی بکەوێتەسەر ئەوان ئەنجامی دەدەن.
کەجەکە ڕاشیگەیاندووە، بۆ دەستپێكردنەوەی گفتوگۆکانی ئاشتی، پێویستە دەوڵەتی توركیا هەنگاوی یەكەم بنێت و ئەگەر ئەوان هەنگاوی جدی بنێن، ئەوانیش بۆ پرۆسەکە ئامادە دەبن.
کەجەکە دەشڵێت، ئەگەر تورکیا بیەوێت لە ماوەی مانگێكدا پرسی کورد چارەسەر دەبێت و ئاشتی بۆ توركیا دەگەڕێتەوە، بەڵام پێویستە تورکیا بە جدی هەنگاو بۆ چارەسەرکردنى پرسی كورد بنێت.
لەبەشێکی تری ڕاگەیەندراوەکەدا، کەجەکە مەرجەکانی دەستپێکردنەوەی پرۆسەی ئاشتی ئاشکراکردووە و دەڵێت، دەبێت تورکیا نیازپاکی خۆی بسەلمێنیت ئەویش دوای ئەوەی وەفدێكی پەرلەمانی توركیا كە پەرلەمانتارانی هەدەپە لەناویاندا بێت بچنە ئیمراڵی و ئەوکات ڕاستەوخۆ گفتوگۆکان دەستپێبكاتەوە.
