بەرپرسی میحوەری مەخمووری هێزی پێشمەرگەی کوردستان ئاماژە بەوە دەکات، بەهۆی هێرشی هێزی پێشمەرگەی کوردستان، ڕێکخراوی توندڕەوی داعش ناوچەیەکی فراوانیان لەدەست داوە و ئێستاش زیاتر لە جاران پاشەکشە دەکەن.

ئەمڕۆ دووشەممە 15\8\2016، نەجات عەلی، بەرپرسی میحوەری مەخمووری هێزی پێشمەرگەی کوردستان، ڕایگەیاند: “هێرشی هێزی پێشمەرگەی کوردستان لە هەردوو میحوەری خازر و گوێڕ، لە ڕووی سیاسی و سەربازییەوە، زۆر گرنگ بوو و زەبرێکی گورچکبڕی لە داعش وەشاند، چونکە ناوچەیەکی فراوانیان لەدەست داوە”.

ئەو فەرماندەیەی پێشمەرگە لە بارەی دەنگۆی بڵاوبوونەوەی بەیاننامەیەکی ئەبوبەکر بەغدادی، سەرۆکی داعش بۆ لەسێدارەدانی چەند ئەمیرێکی ڕێکخراوە توندڕەوەکەی، گوتی: “بێگومان ئەو شکستەی داعش دەنگدانەوەی زۆری هەبوو، کوژراوی زۆریان هەبووە، بۆیە دەکرێت هەموو کاردانەوەیەکیان لەناو خۆیاندا و بەرامبەر بە شکستەکەیان لەسەر دەستی پێشمەرگە، هەبێت".







باسنیوز