پێشتر قاسم سولەیمانی، فەرماندەی سوپای قودسی ئێرانی رایگەیاندبوو، کە وڵاتەکەی داوای لە بەشار ئەسەد، سەرۆکی رژێمی سووریا کردووە، خۆی و خێزانەکەی وڵاتەکەیان بەجێ بهێڵێن و لە ئێرانەوە سەرکردایەتیی شەڕ بکات.



رۆژی هەینی 12ـی ئابی 2016، ئەمیر عەبدوڵڵاهیان، یاریدەدەری پێشووی وەزیری دەرەوەی ئێران لە چاوپێکەوتنێکی کەناڵی فەرمیی وڵاتەکەی، رایگەیاندووە، وڵاتەکەی داوای لە بەشار ئەسەد کردووە، بە خێزان و منداڵەکانەوە بۆ پشوو وەرگرتن بچنە ئێران.



بە گوتەی ئەمیر عەبدوڵڵاهیان، بەشار ئەسەد، سەرۆکی رژێمی سووریا پێشنیازەکەی ئێرانی رەت کردووەتەوە و رایگەیاندووە، ”بە باشتری دەزانم تاوەکو کۆتایی لەگەڵ گەلی خۆم بم“.



دوای سەرهەڵدانی شەڕی ناوخۆیی سووریا لە مانگی ئاداری 2011 لە نێوان ئۆپۆزیسیۆن و رژێمی سووریا، رووسیا و ئێران بە هەموو شێوەیەک پشتگیریی رژێمی سووریا دەکەن و بەرگریی لە مانەوەی بەشار ئەسەد لە سەرۆکایەتیی سووریا دەکەن.




باسنیوز