لە رێگایەكی نێوان سێرتی باكووری كوردستان بەهۆی بۆمبەوە دوو ئەندامی هێزە ئەمنییەكانی توركیا كوژران.

شەوی چوارشەممە 27-7-2016 لە رێگای نێوان شارەكانی سێرت- دێهـ تەقینەوەیەك روویدا.

بەهۆی تەقینەوەكە، دوو لە ئەندامانی هێزە ئەمنییەكان كوژران و یەكێكیش بریندار بوو. بریندار و كوژراوەكان رەوانەی نەخۆشخانە كران و لە شوێنی رووداوەكەش رێوشوێنی ئەمنی تووند گیراوەتەبەر.

میدیاكانی توركیا رایانگەیاندووە، هێرشەكە لەلایەن گەریلاكانی پەكەكە و لەڕێگەی بۆمبی چێنراو بە كۆنترۆڵ تەقێندراوەتەوە. بەڵام توەكو ئامادەكردنی ئەم هەواڵە میدیاكانی پەكەكە، ئەنجامدانی كردەوەكەیان لەلایەن گەریلاكانیان پشتڕاست نەكردووەتەوە.