جۆن کێری وه‌زیری ده‌ره‌وه‌ی ئه‌مریکا ڕایگه‌یاند، هیواخوازین له‌ سه‌ره‌تای مانگی ئاب پرۆژه‌ی‌ هاوکاریکردنی ئه‌مریکا و ڕووسیا له‌ سووریا ڕابگه‌یه‌ندرێت .

بەپێی هەواڵێکی کەناڵی (سی.ئێن.ئێن)، جۆن کێری وه‌زیری ده‌ره‌وه‌ی ئه‌مریکا ڕایگه‌یاند ئه‌م پرۆژه‌یه‌ هاوکاریی هه‌واڵگریی و سه‌ربازی ده‌گرێته‌وه‌ ، هه‌ردوولا هه‌ماهه‌نگی ده‌که‌ن له‌ هێرشه‌ ئاسمانییه‌کان له‌ سووریا. ڕاشیگه‌یاند که‌ هێرشه‌کانیان بۆ سه‌ر گروپه‌ نزیکه‌کانی ئه‌لقاعیده‌ و به‌ره‌ی نوسره‌ ده‌بێ و ڕێگریش له‌ هێزه‌ ئاسمانییه‌کانی سووریا ده‌که‌ن هێرش بکه‌نه‌ سه‌ر ئه‌و گروپانه‌ی که‌ به‌ میانڕۆ ناسراون.