رۆژنامەڤانانی توركیا رایدەگەیێنن، رێگری لە کارەکانیان دەکرێت، بەتایبەت دوای هەوڵی كودەتاكەی 15ی تەممووز، هاوكات ناوی بەشێكیان لە لیستی دەستگیركراواندایە بەتۆمەتی هەوڵدان بۆ كودەتا.

ئاستەنگ و رێگرییەکانی بەردەم میدیای ئازاد لە تورکیا بەردەوامە و میدیاکاران لەو وڵاتە فشاری زیاتریان خراوەتە سەر، بەشێکیشیان لەو لیستەی حکومەتدان کە پێیوایە بەشداری هەوڵی کودەتان و دەبێت دەستگیر بکرێن.

هەرچەندە لەکاتی هەوڵی کودەتاکەی تورکیا و دوای کودەتاش بەشی زۆری میدیاکانی تورکیا دژی کودەتاكە وەستانەوە، بەڵام بەگوتەی سەرۆکی سەندیکای رۆژنامەڤانانی ئیستەنبوڵ، رۆژانێکی سەخت بەڕێەکەن و گورزی کاریگەریش بەهۆی هەوڵی کودەتا بەر میدیا کەوتووە.