بەپێی ئاژانسی هەواڵی فارس؛ عەلی ئەكبەر ویلایەتی راوێژكاری باڵای عەلی خامەنەیی رێبەری باڵای شۆڕشی ئیسلامی ئێران؛ لە كۆبوونەوەی پارێزگارانی وڵاتەكەی رایگەیاند كە كوردەكان لە ناوچەكەدا بەهێز بوونە.

هەروەها گوتی ئەمەریكا لە هەوڵی بەهێزتركردنی كوردەكانە لە ناوچەكەدا و بە نیازە كوردستانی سەربەخۆ دابمەزرێنێ، كە ئەمەش مەترسییەكی زۆر گەورەیە و ئەگەر ئەمە سەربگرێت؛ ئیسرائیلی دووەم لە ناوچەكەدا دروست دەبێت.

عەلی ئەكبەر ویلایەتی؛ ئەمەریكای تۆمەتبار كرد بە پێشێلكردنی رێككەوتنەكان و گوتی؛ رەنگە ئەمەریكا سزا ئابوورییەكان هەڵگرێت بەڵام بابەتێكی دیكەی ورووژاندووە كە زۆر ترسناكە و جێگەی قبووڵكردنی ئێران نییە.

راوێژكاری خامەنەیی راشیگەیاند كە ئێستەدا ئێران زۆر بەهێزترە و لە ناوچەكەدا پێگەی تایبەتیی خۆی هەیە؛ بۆیە ئەمەریكا و رۆژئاوا كەوتوونەتە پلان بۆ ئەوەی شكست بە پێشكەوتنەكانی ئێران بێنن.








باسنيوز